चोलेन्द्रशमशेरले नाम लिएका ब्यक्तिलाई समितिले बोलाउने निर्णय

काठमाडौँ, २८ भाद्र। महाअभियोग सिफारिस समितिले निलम्बित प्रधानन्यायाधीश चोलेन्द्रशमशेर जबराले बयानका क्रममा मुछेका विशिष्ट ब्यक्तिहरुलाई सोधपुछका लागि बोलाउने निर्णय गरेको छ।समितिको मंगलबार सिंहदरबारमा बसेको बैठकले बुधबार आरोपितलाई बोलाउने निर्णय गरेको हो ।

मंगलबार समितिको बैठकपछि कुारा गर्दै कांग्रेस सांसद तथा समिति सदस्य मीन विश्वकर्माले जबराले पोलेका पूर्वप्रधानन्यायाधीश, न्यायाधीश, अधिवक्ता, राजनीतिज्ञलाई बयानका लागी बोलाइने बताए ।

जबराले बयानका क्रममा एमाले अध्यक्ष केपी ओली, एमाले उपाध्यक्ष विष्णु पौडेल, एकीकृत समाजवादी अध्यक्ष माधवकुमार नेपाल, नेपाली कांग्रेस सहमहामन्त्री महालक्ष्मी उपाध्याय डिना, सर्वोच्च्च अदालतका न्यायाधीश हरिकृष्ण कार्की, बार पूर्वअध्यक्ष चण्डेश्वर श्रेष्ठ, वरिष्ठ अधिवक्ता शम्भु थापा, अधिवक्ता ओमप्रकाश अर्यालसहितको नाम मुछेका थिए।