काठमाडौं – भि एस निकेतन माध्यमिक विद्यालयले विज्ञान र व्यवस्थापन संकायका नयाँ विद्यार्थीहरूको स्वागतमा भव्य स्वागत कार्यक्रम २०८१ सम्पन्न गर्यो। यस कार्यक्रमले विद्यार्थीहरूलाई प्रेरणा प्रदान गर्दै सांस्कृतिक विविधताको महत्त्वलाई उजागर गर्यो।
कार्यक्रमको शुरुवात आदरणीय अध्यक्ष, संस्थापक निर्देशक, प्राचार्य, सह-प्राचार्य, र अन्य सम्माननीय अतिथिहरूलाई स्वागत गरी भयो। त्यसपछि आदरणीय अध्यक्षज्यूले पानस प्रज्वलन गर्नु भयो। राष्ट्रगानको गायनले कार्यक्रममा उपस्थित सबैलाई एकताबद्ध गर्यो।
कार्यक्रममा संस्थापक निर्देशक डा. बबिन पोखरेल र मिस अर्थ, सुमना केसी ले प्रेरणादायी मन्तव्य राख्दै विद्यार्थीहरूलाई चुनौतीलाई आत्मसात गर्दै उत्कृष्टताका लागि प्रयास गर्न प्रेरित गर्नुभयो। विज्ञान संकायकी मिस केनिशा खड्काले स्वागत मन्तव्य दिँदै लक्ष्यप्राप्तिका लागि दृढता र टीमवर्कको महत्त्वलाई जोड दिनुभयो।
कार्यक्रमको दोस्रो चरणमा छात्रछात्राहरूले विविध सांस्कृतिक प्रस्तुति दिए। थारु नृत्य, “जे छु तिम्रो” जस्ता आधुनिक गीतहरूको प्रदर्शन, र “मनका कुरा” जस्ता भावपूर्ण प्रस्तुतिहरू प्रमुख आकर्षण रहे। देशभक्तिपूर्ण गीत र आधुनिक नृत्यहरूको मञ्चनले कार्यक्रममा थप ऊर्जा थप्यो।
कार्यक्रमको अन्त्यमा सह-प्राचार्य बन्दना लामाले धन्यवाद ज्ञापन गर्दै कार्यक्रममा सहभागिता जनाउने विद्यार्थीहरू, शिक्षकहरू, र आयोजक टोलीको प्रयासको प्रशंसा गर्नुभयो। उहाँले प्रतिभाशाली प्रस्तुति दिएका विद्यार्थीहरूको प्रशंसा गर्दै विद्यालयको समग्र शिक्षा विकासमा प्रतिबद्धतालाई उजागर गर्नुभयो।
यस सांस्कृतिक र शैक्षिक समारोहले विविएस निकेतनको विद्यार्थीहरूको सर्वाङ्गीण विकास र उत्कृष्टताका लागि कटिबद्धतालाई पुनः पुष्टि गरेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
