प्रतिनिधि सभाको बैठक आज दिउँसो ४ बजे बस्ने

काठमाडौं, जेठ १३  |  शुक्रबार प्रमुख प्रतिपक्षी दल नेकपा एमालेको अवरोधका कारण स्थगित भएको बैठक आज अपराह्न ४ बजे  बस्दैछ ।

संघीय संसदका महासचिव डा. भरतराज गौतमका अनुसार विशेष कारण बैठक बस्ने दिन र समय परिवर्तन भएको हो ।

माओवादी सांसद लेखनाथ दाहालले पशुपतिनाथको मन्दिरमा राखिएको जलहरीबारे प्रश्न उठाएपछि एमालेका सांसदहरुले बैठक अवरुद्ध गरेका थिए । त्यसपछि २० मिनेटका लागि स्थगित गरिएको बैठक बस्दै नबसी आजका लागि सारिएको हो ।

बैठकमा एमालेका प्रमुख सचेतक पदम गिरीले आफना  पार्टी अध्यक्ष केपी शर्मा ओली प्रधानमन्त्री हुनुभएका बेला पशुपतिनाथको जलहरीमा सुनको सट्टा पित्तल लगाइएको र भ्रष्टाचार भएको भनी हो नेकपा (माओवादी केन्द्र)का सांसद लेखनाथ दाहालले आरोप लगाएकाले त्यसबारे सरकारको स्पष्ट जवाफ नआउँदासम्म सदन अघि नबढ्ने बताउनुभएको थियो ।