रूस- युक्रेन युद्धमा दुई दिने युद्धविराम घोषणा

काठमाडौँ । रुसले दोस्रो विश्वयुद्धमा नाजी जर्मनीमाथि जित हासिल गरेको ८१ औँ वार्षिकोत्सव ९विजय दिवस० मनाउने क्रममा युक्रेन सँगको युद्धमा शुक्रबार र शनिबारका लागि एकतर्फी युद्धविराम घोषणा गरेको छ। तर, सो उत्सवमा कुनै अवरोध पुर्‍याइएमा किभमा कडा जवाफी हमला गर्ने चेतावनी पनि दिएको छ।

यता युक्रेनी राष्ट्रपति भोलोडिमिर जेलेन्स्की ले भने आफ्नो देशले बुधबार रातिदेखि युद्धविराम पालना गर्ने बताएका छन्। उनले रुसले के कदम चाल्छ, त्यसको आधारमा मात्र प्रतिक्रिया दिने बताए। उनले युद्धविराम कहिलेसम्म रहने भन्ने स्पष्ट पारेका छैनन्।

रुसले मस्कोको रेड स्क्वायरमा ठूलो सैन्य परेड गर्ने तयारी गरिरहेको छ, तर युक्रेनबाट आक्रमण हुन सक्ने चिन्ताले कार्यक्रम केही सीमित गरिएको छ। पछिल्लो समय युक्रेनले रुसभित्रै ड्रोन आक्रमण गरिरहेको छ।

यसअघि पनि यस्तै युद्धविराम प्रयासहरू खासै सफल भएका थिएनन्। अहिले पनि दुवै पक्षबीच अविश्वास कायमै रहेको देखिन्छ।