महारानीलाई भेटेसँगै लिज ट्रस बनिन् बेलायतको प्रधानमन्त्री

काठमाडौँ, २१ भाद्र । बालमोरल क्यासलमा महारानीलाई भेटेपछि लिज ट्रस बेलायतको प्रधानमन्त्री बनेकी छिन् । प्रधानमन्त्री पदको उम्मेदवारीमा लिजले बेलायती पूर्वमन्त्री ऋषि सुनकलाई कडा प्रतिस्पर्धामा पराजित गरेकी थिइन् । आज लिजले रानीलाई भेटिन, त्यसपछि उनी औपचारिक रूपमा बेलायतको प्रधानमन्त्री भइन।

सत्तारुढ कन्जरभेटिभ पार्टीको नेता पदको दौडमा विदेशमन्त्री लिज ट्रस विजयी भएकी छन् । उनले पूर्व अर्थमन्त्री ऋषि सुनकलाई कडा संघर्षमा पराजित गरेका हुन् । मुद्रास्फीति, औद्योगिक अशान्ति र देशमा मन्दीको सम्भाव्यतासँग जुध्न उनले चुनौतीको सामना गर्नुपर्नेछ । जुलाईमा मुलुकको मुद्रास्फीति १० दशमलव १ प्रतिशत पुगेको छ ।

लिज ट्रसको विजयको घोषणासँगै सत्ता हस्तान्तरणको प्रक्रिया सुरु भएको छ । उनीहरुलाई महारानीले सरकार गठनका लागि सपथ गराउनेछिन्  । सेप्टेम्बर ७ मा उनी पहिलो पटक प्रधानमन्त्रीका रुपमा हाउस अफ कमन्स जानेछिन्।

महारानीबाट पद तथा गोपनियताको सपथ ग्रहण गरेपछि ट्रस लण्डन फर्किनेछन् । यहाँ प्रधानमन्त्रीको सरकारी निवास १०, डाउनिङ स्ट्रिटबाट देशका नाममा उनको पहिलो सम्बोधन हुनेछ । उनले अपराह्न ४ बजे मन्त्रिपरिषद् चयन गर्नेछिन् । महारानीले यी मन्त्रीहरूलाई भर्चुअली सपथ गराउनेछिन् । त्यसपछि विभाग प्रमुखले मन्त्रीहरुलाई आफ्नो छाप हस्तान्तरण गर्ने कार्यक्रम छ ।