काठमाडौँ । नेपाल राष्ट्र बैंकको डेपुटी गभर्नरमा कार्यकारी निर्देशक किरण पण्डित नियुक्त भएका छन्। मंगलबार बसेको मन्त्रिपरिषद् बैठकले रिक्त रहेका दुई पदमध्ये एकमा पण्डितलाई नियुक्त गर्ने निर्णय गरेको हो।
अर्थ मन्त्रालयको प्रस्तावमा नियुक्त भएका पण्डितले विसं २०६२ सालदेखि बैंकिङ क्षेत्रमा कार्यरत रहँदै विभिन्न जिम्मेवारी सम्हाल्दै आएका छन्। उनको अनुभव र कार्यसम्पादनलाई आधार मानेर राष्ट्र बैंकको उच्च नेतृत्वमा जिम्मेवारी दिइएको बताइएको छ।
डेपुटी गभर्नरका रूपमा उनले मौद्रिक नीतिको कार्यान्वयन, वित्तीय स्थायित्व कायम राख्ने तथा बैंकिङ प्रणालीको नियमन र सुपरिवेक्षणमा महत्वपूर्ण भूमिका निर्वाह गर्नेछन्।
राष्ट्र बैंकमा रिक्त रहेका पद पूर्ति भएसँगै संस्थाको नीति निर्माण तथा कार्यसम्पादन थप प्रभावकारी हुने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
