रवि लामिछानेको मुद्दा फिर्ताविरुद्धको रिटमा सुनुवाइ हुँदै

काठमाडौँ । राष्ट्रिय स्वतन्त्र पार्टी ९रास्वपा०का सभापति रवि लामिछानेमाथि दायर सहकारी ठगी, संगठित अपराध र सम्पत्ति शुद्धीकरण मुद्दा सम्बन्धी अभियोगपत्र फिर्ता गर्न दायर रिटको सुनुवाइ आज भइरहेको छ। सर्वोच्च अदालतका न्यायाधीश विनोद शर्मा र अब्दुल अजीज मुसलमानको इजलासमा सोमबारदेखि सुनुवाइ भइरहेको छ।

महान्यायाधिवक्ता सविता भण्डारीले लामिछानेमाथि विभिन्न जिल्लामा विचाराधीन रहेकाबारेका मुद्दा संशोधन गरी, केवल सहकारी ठगीको मुद्दा मात्रै चलाउन जिल्ला सरकारी वकिल कार्यालयहरूलाई निर्देशन दिएकी थिइन्।

महान्यायाधिवक्ता कार्यालयको यो निर्णयविरुद्ध वरिष्ठ अधिवक्ता दिनेश त्रिपाठी, कानुनका विद्यार्थी आयुष बडाल र युवराज पौडेल सफलले रिट दायर गरेका हुन्। भण्डारीको पुस ३० मा सात पृष्ठ लामो ‘टिप्पणी र आदेश’मा अन्य दुई गम्भीर प्रकृतिका मुद्दा हटाउन निर्देशन दिइएको उल्लेख छ।