जापानी चुनावमा ताकाइची नेतृत्वको दललाई बहुमत

काठमाडौँ । जापानमा प्रधानमन्त्री सानाए ताकाइची नेतृत्वको सत्तारुढ लिबरल डेमोक्रेटिक पार्टी ९एलडीपी० र यसका गठबन्धन साझेदारले आइतबार सम्पन्न संसद् चुनावमा भारी बहुमत हासिल गरेको छ। सार्वजनिक प्रसारक एनएचके र निर्वाचन परिणामअनुसार ४६५ सदस्यीय तल्लो सदनमा एलडीपीले ३१६ सिट जितेको छ, जुन साधारण बहुमत ९२३३ सिट० भन्दा धेरै हो र गठबन्धनको कुल सिट त्यसभन्दा अझ बढी रहेको देखिएको छ। त्यस्तै एलडिपीसँग गठबन्धन गरेको जापान इनोभेसन पार्टीले ३६ सिट जितेको छ ।

जापानमा ४६५ मध्ये २८९ प्रत्यक्ष र १७६ सिट समानुपातिकबाट निर्वाचित हुने व्यवस्था छ । यो मध्यावधि निर्वाचनमा एलडीपीको नेतृत्वमा रहेको गठबन्धनले दुई(तिहाई “सुपर बहुमत” प्राप्त गरेको अनुमान छ, जसले संसद्मा अझ अधिकारशाली निर्णय लिन मद्दत गर्नेछ।

ताकाइची जापानकी पहिलो महिला प्रधानमन्त्री हुन् र उनको नेतृत्वमा सरकारले आर्थिक सुधार, रक्षा नीति बलियो पार्ने, र नागरिक राहतका उपायहरू अघि बढाउने प्रतिबद्धता देखाएको थियो। धेरै मतदाताले उनका नीतिहरूलाई समर्थन गरेपछि उनको पार्टीलाई ठूलो जनादेश प्राप्त भएको विश्लेषकहरूले बताएका छन्।