स्वास्थ्य मन्त्री र प्रदीप पौडेल कृषिमन्त्री रामनाथ अधिकारीको राजीनामा

काठमाडौँ — पछिल्लो राजनीतिक परिस्थितिका कारण नेपाली कांग्रेसका नेता तथा स्वास्थ्य मन्त्री प्रदीप पौडेलले पदबाट राजीनामा दिने घोषणा गरेका छन्।

देशभर जारी जेनजी आन्दोलन, सरकारको निर्णयप्रति जनस्तरको असन्तुष्टि, सामाजिक सञ्जाल निषेध जस्ता घटनाक्रमका कारण मन्त्री पौडेलले अब सरकारमा बस्न असहज भएको बताएका छन्।

छोटो प्रतिक्रिया दिँदै उनले भने, “यस्तो परिस्थितिमा सरकारमा बस्न सकिएन, राजीनामा दिँदैछु।”

यसअघि कृषिमन्त्री रामनाथ अधिकारीले पनि राजीनामा दिने घोषणा गरिसकेका छन्। योसँगै सत्ता गठबन्धनभित्र खटपट थप चुलिएको देखिएको छ।

नेपाली कांग्रेसका वरिष्ठ नेता डा. शेखर कोइरालाले आफू निकट मन्त्रीहरूलाई सरकारबाट बाहिरिन निर्देशन दिएका छन्। कोइरालाले सरकारको पछिल्लो गतिविधि जनभावना विपरीत भएको टिप्पणी गर्दै, कांग्रेसले स्पष्ट निर्णय लिनुपर्ने आवश्यकता औंल्याएका छन्।

यस्ता राजीनामाबाट सरकारको स्थायित्वमाथि प्रश्न उठेको छ भने विपक्षी दलहरूले पनि सरकारलाई चूनौती दिन सक्ने अवस्था निर्माण भएको छ।