‘इण्डियन आइडल’ सिजन १२ का विजेता पवनदीप कार दुर्घटनामा परेर गम्भीर घाइते

काठमाडौँ, २३ वैशाख । प्रसिद्ध गायक तथा ‘इण्डियन आइडल’ सिजन १२ का विजेता पवनदीप राजन कार दुर्घटनामा परेर गम्भीर घाइते भएका छन्। भारतीय सञ्चारमाध्यमका अनुसार पवनदीप सवार कार अनियन्त्रित भएर दुर्घटनामा परेको हो। भारतीय सञ्चार माध्यमका अनुसार हाल उनको उपचार दिल्लीको फोर्टिस अस्पतालमा भइरहेको छ र उनको अवस्था स्थिर छ । पवनसँगै उनका दुई साथीहरु पनि घाइते छन् । उत्तरप्रदेशमा प्रारम्भिक उपचारपछि उनीहरु तिनै जनालाई उपचारका लागि दिल्ली लगिएको थियो ।

दुर्घटनामा उनको टाउको र शरीरका अन्य भागमा चोट लागेको बताइएको छ। चिकित्सकको निगरानीमा राखिएको र अवस्था खतरामुक्त भए पनि गम्भीर चोट भएकाले केही समय आराम गर्नु पर्ने बताइएको छ। पवनदीपलाई ‘इण्डियन आइडल’ जितेपछि लाखौं दर्शकले माया गरेका थिए।