जम्मु–कश्मीर आक्रमण: आमा-बुबासँग घुम्न गएका थिए सन्दीप

काठमाडौं । भारतको जम्मु–कश्मीर राज्यको पहलगाम क्षेत्रमा रहेको प्रसिद्ध पर्यटकीय स्थल बैसारनमा मंगलबार साँझ भएको आतङ्कवादी आक्रमणमा एक नेपाली नागरिकको ज्यान गएको छ भने एक नेपाली महिला सामान्य घाइते भएकी छन्। नेपालमा इन्जिनियरिङ अध्ययन गर्दै गरेका न्यौपाने बिदाको समयमा आमा(बुबा र दिदीसँग घुम्न गएका बेला उक्त हमलामा परी मृत्यु भएको परराष्ट्रमन्त्री डा। आरजु राणा देउवाले जानकारी दिएकी छिन् । मंगलबार भएको सो घटनामा एक नेपालीसहित २८ जनाको ज्यान गएको छ।

भारतीय सञ्चारमाध्यका अनुसार २६ भारतीय र २ विदेशीको ज्यान गएको छ। यो हमलाको जिम्मा ‘द रेसिस्टेन्स फ्रन्ट’ले लिएको छ।भारतीय सञ्चारमाध्यमहरूका अनुसार, ५ जना बन्दुकधारीहरू सैनिक पोशाकमा आएका थिए। उनीहरूले बैसारन क्षेत्रमा घुम्न आएका पर्यटकहरूलाई नियन्त्रणमा लिँदै नाम र देश सोध्ने क्रममै हिन्दू नाम भएका पर्यटकहरूलाई विशेष रूपमा निशाना बनाएर गोली प्रहार गरेका थिए। बैसारन क्षेत्र ‘मिनी स्विट्जरल्यान्ड’का रूपमा परिचित रमणीय स्थल हो, जहाँ भारत र अन्य देशबाट हरेक वर्ष हजारौं पर्यटक भ्रमणमा आउँछन्।

यस आक्रमणमा एक नेपाली, एक संयुक्त अरब इमिरेट्स ९ग्ब्भ्० का नागरिक, दुई स्थानीय कश्मीरी बासिन्दा र भारतका विभिन्न राज्यका पर्यटकहरूको गरी २६ जनाको मृत्यु भएको पुष्टि भएको छ।