रोसेटा एजुकेशन इन्टरनेशनलद्वारा यूके र अस्ट्रेलिया एडमिशन डे २०२५: नेपाली विद्यार्थीहरूलाई विश्वस्तरीय शैक्षिक अवसर

काठमाडौं, नेपाल – रोसेटा एजुकेशन इन्टरनेशनल ले यूके & अस्ट्रेलिया एडमिशन डे २०२५ कार्यक्रम फेब्रुअरी १०, २०२५ मा नयाँ बानेश्वर, काठमाडौं स्थित आफ्नो कार्यालयमा आयोजना गर्ने भएको छ। यो विशेष कार्यक्रम यूके र अस्ट्रेलियाका प्रतिष्ठित विश्वविद्यालयहरूमा अध्ययन गर्न चाहने विद्यार्थीहरूका लागि मार्गदर्शन प्रदान गर्ने उद्देश्यले आयोजना गरिएको हो।

विद्यार्थीहरूले प्रत्यक्ष रूपमा विश्वविद्यालयका प्रतिनिधिहरूसँग भेट्न, शैक्षिक परामर्श प्राप्त गर्न, छात्रवृत्ति अवसरहरूको जानकारी लिन, र सरल प्रवेश प्रक्रियाका बारेमा बुझ्न सक्नेछन्। रोसेटा ग्रुपका संस्थापक तथा सीईओ प्रभिन पौडेल ले विद्यार्थीहरू तथा अभिभावकहरूलाई कार्यक्रममा सहभागी हुन आग्रह गर्दै वैश्विक शिक्षा र उज्ज्वल करियर को ढोका खोल्न यो कार्यक्रम महत्वपूर्ण हुने बताएका छन्।

शिक्षा तथा व्यवसाय क्षेत्रमा अग्रणी नेतृत्वकर्ता प्रभिन पौडेल बहुआयामिक व्यवसायिक व्यक्तित्व हुन्, जसले शिक्षा, यात्रा, कृषि, लगानी, तथा आतिथ्य (हस्पिटालिटी) व्यवस्थापन क्षेत्रमा सफल नेतृत्व प्रदान गर्दै आउनु भएको छ। रोसेटा ग्रुपका सीईओ का रूपमा उहाँले नेपाली विद्यार्थीहरूलाई विश्वस्तरीय शैक्षिक अवसरहरू मा पहुँच पुर्याउने सेतुको भूमिका खेल्दै आउनुभएको छ।

आतिथ्य व्यवस्थापन (हस्पिटालिटी एडमिनिस्ट्रेशन) मा विशेष ज्ञान भएकाले उहाँको नेतृत्वमा विद्यार्थीहरूको लागि व्यक्तिगत र परामर्शमुखी सेवाहरू प्रदान गरिन्छ। शिक्षा क्षेत्रमा मात्र नभई, पौडेल काठमाडौं चेम्बर अफ कमर्सका सचिव का रूपमा व्यवसाय विकास र आर्थिक वृद्धिमा योगदान पुर्याइरहनु भएको छ। साथै, सामाजिक सेवाका क्षेत्रमा उहाँको ठूलो योगदान रहेको छ।

लायन्स क्लब अफ काठमाडौं गुलमोहरका एलसीआईएफ कोर्डिनेटर तथा लायन्स क्लब इन्टरनेशनलका जोन चेयरपर्सन का रूपमा उहाँ विभिन्न युवाविकास कार्यक्रम र समाजसेवामा सक्रिय हुनुहुन्छ। एक प्रेरणादायी वक्ता (मोटिभेसनल स्पिकर) तथा व्यावसायिक तालिम प्रशिक्षक (भोकेशनल ट्रेनर) का रूपमा, पौडेल युवाहरूलाई उद्यमशीलता तथा अन्तर्राष्ट्रिय शिक्षा तर्फ आकर्षित गर्दै, विद्यार्थीहरूलाई वैश्विक करियर निर्माणमा सहयोग गर्ने लक्ष्य राख्नुहुन्छ