राक्सिराङ गाउँपालिकामा सोनाम ल्होसारको अवसरमा तीन दिन सार्वजनिक बिदा

काठमाडौँ, माघ १४। मकवानपुरको राक्सिराङ गाउँपालिकाले तामाङ समुदायको प्रमुख पर्व सोनाम ल्होसारको अवसरमा तीन दिन सार्वजनिक बिदा दिने निर्णय गरेको छ। गाउँपालिकाका अध्यक्ष राजकुमार मल्लका अनुसार, माघ १६, १७, र १८ गते गाउँपालिकाभित्रका सबै सार्वजनिक कार्यालय, सरकारी कार्यालय, शिक्षण संस्था, बैंक, र वित्तीय संस्थाहरूमा बिदा रहने छ।

अध्यक्ष मल्लले मञ्जुश्री सम्वत् २८६१ डुल लो–सर्व वर्ष ल्होको अवसरमा सम्पूर्ण तामाङ समुदायलाई स्वदेश र विदेशमा स्वास्थ्य, दीर्घायु, सुख, र समृद्धिको शुभकामना व्यक्त गरेका छन्।

सोनाम ल्होसार तामाङ समुदायको मौलिक संस्कृति, परम्परा, र पहिचानसँग जोडिएको महत्वपूर्ण पर्व हो। यस पर्वले समुदायमा सामाजिक एकता र मेलमिलापलाई अझ मजबुत बनाउन मद्दत पुर्याउने विश्वास गरिएको छ।