काठमाडौँ,११ माघ । सिद्धबाबा सुरुङमार्ग ब्रेक थ्रुुमा प्रधानमन्त्री केपी शर्मा ओली नजाने भएका छन्। चिकित्सकहरूको सुझावमा प्रधानमन्त्री ओली बालुवाटारमै आराम गर्ने भएका छन् । मंगलबार बेलुकीदेखि अस्वस्थ रहेका प्रधानमन्त्री ओली बालुवाटारबाटै भर्च्यूअल रूपमा सहभागिता जनाउने कार्यक्रम रहेको छ । उद्घाटन र शिलान्यासको कार्यक्रममा उपप्रधानमन्त्रीद्वय प्रकाशमान सिंह र विष्णु पौडेल सहभागी हुने छन्।
सिद्धार्थ राजमार्गको यस खण्डमा अत्यधिक पहिरो खस्ने समस्या समाधान गर्न सुरुङमार्ग निर्माण गरिएको हो। सुरुङमार्गको निर्माण २०७७ सालमा बजेट विनियोजन भएपछि २०७८ सालमा ठेक्का प्रदान गरिएको थियो। सुरुङभित्र आउने समस्यालाई ध्यानमा राख्दै तीनवटा बाइपास बनाइएको छ। पहिलो र तेस्रो बाइपासको ‘ब्रेक थ्रु’ भदौ र असोजमा भएको र दोस्रो बाइपासको ‘ब्रेक थ्रु’ पुसमा सम्पन्न भएको थियो।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
