अहिलेको सरकारले अध्यादेशमार्फत शासन गर्न खोजेको प्रचण्डको आरोप

काठमाडौँ,१० माघ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले केपी शर्मा ओली नेतृत्वको सरकार अब धेरै नटिक्ने बताएका छन् । विहीबार सुर्खेत विमानस्थलमा पत्रकारहरुसँग कुरा गर्दै प्रचण्डले यस्तो बताएका हुन् । प्रचण्डले सरकारले अध्यादेशमार्फत शासन गर्न खोजेको समेत बताए । उनले सरकारविरुद्ध प्रतिपक्षी दलहरू मात्रै नभएर सत्तामा रहेका दलहरू नै विरोधमा उत्रिएकाले यो सरकार लामो समय सम्म नटिक्ने बताए ।

उनले भने , लोकतान्त्र, वर्तमान संविधान र जनताको भावनाविपरीत सरकार बनेको छ, यो लामो समय जाँदैन। उनले वर्तमान सरकारले भ्रष्टाचार गर्ने कर्मचारीलाई बचाउन र राम्रो काम गरेका कर्मचारीलाई आक्रमण गर्नमा लागेको बताए । सरकारले नियमित रुपमा सदन नबोलाएपछि प्रतिपक्षी दलका तर्फबाट माओवादीले विशेष अधिवेशन आह्वानको प्रयास गरिएको पनि उनले बताए।

प्रचण्डले भने, ‘अध्यादेशमै बढी जोड गरेपछि हामीले विपक्षहरूको तर्फबाट अभिलम्बचाहिँ सदन बोलाइएन भने हामीले विशेष अधिवेशन बोलाउने भनेपछि मात्रै सरकारले १८ गते अधिवेशन राख्ने भएको छ । नीतिगत रुपमा सरकारको आयु धेरै लामो छैन ।