डिजिटल र बियन्ड ले नेपालका कक्षा कोठामा नयाँ प्रविधि ल्याउन रास्पबेरी पाई फाउन्डेशन सँग सम्झौता

काठमाण्डौ। डिजिटल र बियन्ड ले नेपालका कक्षा कोठामा नयाँ प्रविधि ल्याउन रास्पबेरी पाई फाउन्डेशन सँग सम्झौता गरेको छ। कृत्रिम बुद्धिमत्ता (AI) ले नयाँ युवा पुस्ताको अब बन्ने विश्व संरचनामा ठूलो भूमिका खेल्छ र यो नयाँ साझेदारीलेे नेपालका शिक्षकहरूलाई एआई(AI)का नव प्रवर्तकहरूको अर्को पुस्तालाई शिप सिकाउन मद्दत गर्नेछ। साथै, Experience AI मार्फत, हामी नेपालका युवाहरूलाई भविष्यका प्रविधि विशेषज्ञ बन्ने मौका दिन चाहन्छौं।

Experience AI,रास्पबेरी पाई फाउन्डेशन र Google DeepMind द्वारा संयुक्त रूपमा विकसित गरिएको यस कार्यक्रमले नेपालको सीप बिकासमा ठूलो फरक पार्नेछ। एआई साक्षरता कार्यक्रमले ११-१४ वर्ष उमेरका विद्यार्थीहरूलाई एआईको आधारभूत कुरा र एआई प्रणालीका आलोचनात्मक उपभोक्ता र जिम्मेवार सिर्जनाकर्ता बन्न सिकाउनेछ।

एआई साक्षरताले करियरका अवसरहरू खोल्छ र वास्तविक संसारका चुनौतीहरूको समाधान गर्न मद्दत गर्दछ

नेपाली विद्यार्थीहरूले आफ्नो देशले सामना गरिरहेका वास्तविक संसारका चुनौतीहरू समाधान गर्न सीप सिक्नेछन् र एआईसँग सम्बन्धित करियरको बढ्दो दायरासंग सचेत हुनेछन्। विद्यार्थीहरूले कृषकहरूलाई राम्रो बाली लगाउन मद्दत गर्न, स्वास्थ्य सेवामा पहुँच सजिलो बनाउन वा नयाँ व्यवसाय सिर्जना गर्न आफ्नो एआई ज्ञान प्रयोग गर्न सक्छन्। यी सीपहरू सिकेर, नेपाली युवाहरूले आफ्नो देशलाई बलियो र डिजिटल संसारसँग बढी जोडिएको बनाउन मद्दत गर्न सक्छन्।

यो पहल हाम्रो दुरगामी लक्ष्यसँग जोडिएको छ, जुन यस रणनीतिक साझेदारी मार्फत सफल नवप्रवर्तन र वृद्धिलाई प्रेरित गर्ने छ, नेपालको डिजिटल रूपान्तरणको बाटो तयार गर्ने र विश्वव्यापी प्रविधि परिदृश्यमा यसको स्थान सुरक्षित गर्ने यस कार्यक्रमको लक्ष्य हो।

रास्पबेरी पाई फाउन्डेशनका CEO (सीईओ) Philip Colligan ले भन्नुभयो, “म डिजिटल र बियन्ड लाई Experience AI मार्फत एआई साक्षरतालाई अगाडि बढाउन विश्वव्यापी संगठनहरूको नेटवर्कमा स्वागत गर्न पाउँदा खुसी छु। हामी सँगै मिलेर नेपालका हजारौं युवाहरूलाई संसारमा बढ्दै गएको (AI)एआई प्रविधिहरूद्वारा सफल हुन आवश्यक सीप र आत्मविश्वास प्रदान गर्नेछौं”।