बर्मिङ्घम सिटी युनिभर्सिटी र स्पाई ओभरसिजको संयुक्त प्रयासमा नेपाली विद्यार्थीहरूका लागि छात्रवृत्ति अवसरबारे प्रेस मिट आयोजना

काठमाडौँ, नेपाल – बर्मिङ्घम सिटी युनिभर्सिटी (BCU) र स्पाई ओभरसिजले नेपाली विद्यार्थीहरूलाई बेलायतमा अध्ययन गर्ने अवसर प्रदान गर्ने उद्देश्यले एक प्रेस मिटको आयोजन गरेको छ। उक्त कार्यक्रम बौद्धनगरस्थित आरम्भ रेस्टुरेन्ट एण्ड बारमा सम्पन्न भएको हो, जहाँ नेपाली विद्यार्थीहरूका लागि विशेष छात्रवृत्ति अवसरका बारेमा जानकारी दिइएको थियो।

कार्यक्रममा, बर्मिङ्घम सिटी युनिभर्सिटीका भारत र नेपालका कन्ट्री हेड श्रीष्टी बिर्लाले युनिभर्सिटीको शैक्षिक उत्कृष्टता र विद्यार्थीलाई प्रदान गरिएको नविनतापूर्ण सिकाइ वातावरणका बारेमा जानकारी दिइन्। उनले उल्लेख गरिन् कि, “BCU अन्तर्राष्ट्रिय विद्यार्थीहरूको लागि एक उत्कृष्ट गन्तव्य हो, जहाँ विद्यार्थीहरूले भविष्य निर्माणमा महत्त्वपूर्ण योगदान पुर्याउन सक्नेछन्।”

स्पाई ओभरसिज, शिक्षा परामर्श क्षेत्रमा स्थापित संस्था, ले बर्मिङ्घम सिटी युनिभर्सिटीसँगको सहकार्यमार्फत नेपाली विद्यार्थीहरूलाई विशेष छात्रवृत्ति र अध्ययन अवसरहरूको पहुँच पुर्याउने प्रतिबद्धता जनाएको छ। स्पाई ओभरसिजका प्रिन्सिपल एडभाइजर सुवांसु उप्रेतीले भने, “हामीले यस सहकार्यमार्फत नेपाली विद्यार्थीहरूलाई अन्तर्राष्ट्रिय स्तरको शिक्षा र छात्रवृत्तिको पहुँच प्रदान गर्ने महत्त्वपूर्ण भूमिका निर्वाह गरेका छौं।”

कार्यक्रममा बर्मिङ्घम सिटी युनिभर्सिटीका स्नातक, स्नातकोत्तर र मास्टर्स अफ रिसर्च (MRes) जस्ता विभिन्न कार्यक्रमहरूमा आवेदन दिने अवसरको बारेमा पनि जानकारी प्रदान गरियो। साथै, विद्यार्थीहरूले आफ्ना आश्रितहरूलाई समेत समावेश गर्न सक्ने सुविधा रहेको बताइएको छ। स्पाई ओभरसिजले उपस्थित विद्यार्थीहरूलाई आवेदन प्रक्रिया, छात्रवृत्ति र अन्य शैक्षिक अवसरहरूबारे विस्तृत मार्गदर्शन दिएको थियो।

यस कार्यक्रमले नेपाली विद्यार्थीहरूलाई अन्तर्राष्ट्रिय शिक्षा र छात्रवृत्तिका अवसरहरूको बारेमा नयाँ दृष्टिकोण प्रस्तुत गरेको छ।