विमान दुर्घटनापछि पाइलटको सकुशल उद्धार गर्ने छ जना प्रहरी पुरस्कृत

काठमाडौँ , ११ साउन । प्रहरी प्रधान कार्यालयले गत साउन ९ गते सौर्य एयरको विमान दुर्घटनापछिको जोखिमपूर्ण अवस्थाबाट विमान चालकलाई सकुशल उद्धार गर्ने छ जना प्रहरी कर्मचारी पुरस्कृत गरेको छ ।

प्रहरी प्रधान कार्यालयले उक्त जोखिमपूर्ण अवस्थामा पाइलट मनीषरत्न शाक्यलाई सकुशल उद्धार गर्न सफल प्रहरी कर्मचारीलाई नगद पुरस्कारसहित सम्मान गरिएको केन्द्रीय प्रहरी प्रवक्ता प्रहरी नायब महानिरीक्षक दानबहादुर कार्कीले बताए ।

पुरस्कृत हुने प्रहरी कर्मचारीमा प्रहरी नायब उपरीक्षक सुकेदेव खनाल , टङ्क राउत , प्रहरी जवान श्रीराम परियार , करणसिंह चाइसिर, भीमप्रसाद गौतम र कृष्ण जोशी रहेका छन् । सौर्य एयरलाइन्सको जहाज दुर्घटना हुँदा १८ जनाको मृत्यु भएको छ ।

जहाजमा सवार १९ मध्य १८ जनाको मृत्यु भएको छ। चालक दलका सदस्यसहित १९ जना यात्रु रहेको विमान उड्ने क्रममा विमानस्थलको धावनमार्गमा चिप्लिएर दुर्घटनामा परेको थियो । जहाजमा १९ जना सवार रहेको जनाइएको छ । जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको विमानस्थलले जनाएको छ।

विमानका क्याप्टेन ३७ वर्षीय मनीष शाक्यको केएमसी अस्पतालमा उपचार भइरहेको छ ।