कोशी सरकार गठनविरुद्धको रिट हेर्न नमिल्नेमा

काठमाडौँ, जेठ २७। कोशी प्रदेशको सरकार गठनविरुद्ध पूर्व मुख्यमन्त्री केदार कार्कीले दायर गरेको रिट आज हेर्न नमिल्नेमा परेको छ । न्यायाधीश सुनिलकुमार पोखेलले कानुन व्यवसायी हुँदा गत भदौमा कोशी प्रदेशका तत्कालीन मुख्यमन्त्री उद्धव थापाको नियुक्तिविरुद्ध वर्तमान मुख्यमन्त्री हिक्मतकुमार कार्कीले दायर गरेको रिटमा थापाको पक्षमा बहस गरेका हुनाले आजको इजलास हेर्न नमिल्नेमा परेको हो ।

गत वैशाख २७ मा हिक्मतकुमार कार्की संविधानको धारा १६८ को उपधारा ५ अनुसार प्रदेश प्रमुख पर्शुराम खापुङले मुख्यमन्त्री नियुक्त गरेका थिए । कार्की भने २६ वैशाखमा पदमुक्त भएका थिए । कार्कीले मुख्यमन्त्री हिक्मतकुमार कार्कीलाई पदमुक्त गरी आफूलाई नियन्तरता दिन सर्वोच्च अदालतमा दायर गरेको छन् । २०८० २७ असोज मा मुख्यमन्त्री बनेका केदार कार्की २६ चैतबाट अल्पतमा परेका थिए।

२५ वैशाख २०८१ सम्म उनले विश्वासको मत नलिएपछि प्रदेश प्रमुख खापुङले स्वतः पदमुक्त भएको भन्दै २६ वैशाखमा नयाँ सरकार गठनको आह्वान गरेका थिए । २७ वैशाखमा एमाले र माओवादी केन्द्रका ५२ सांसदको समर्थनमा हिक्मतकुमार कार्की मुख्यमन्त्री नियुक्त गरेका थिए।