काठमाडौँ, ८ फागुन ।नेकपा माओवादी केन्द्रका उपमहासचिव तथा पूर्वमन्त्री जनार्दन शर्माले देशको समग्र विकासका लागि कर्णालीको विकास आवश्यक रहेको बताउनुभयो । उनले कर्णालीमा देशको विकासको नेतृत्व गर्ने क्षमता रहेकोमा जोड दिए ।
सोमबार कर्णाली पर्वको समापनमा उपमहासचिव शर्माले नेपाली भाषा, साहित्य र राजनीतिको विकासमा कर्णालीले महत्वपूर्ण भूमिका खेल्ने बताउनुभयो । उनले कर्णाली क्षेत्रको समृद्धिका लागि प्राकृतिक स्रोत साधनको दोहन गर्नुपर्नेमा जोड दिए ।
उनले अब कर्णालीको परिभाषा परिवर्तन गर्ने बेला भएको बताए । शर्माले यसअघि कर्णालीको विकासबिना राष्ट्रको उन्नति हुन नसक्ने बताए । उनले कर्णालीका दलित मुक्त नभएसम्म कर्णालीको विकास नहुने बताए ।
कर्णालीमा चरम उत्पीडन सहने दलितहरूको ठूलो जनसंख्या छ। उत्पीडन र जातिय व्यवस्था उन्मूलन भएपछि मात्र विकासको सुरुवात हुन्छ । उपमहासचिव शर्माले कर्णालीलाई बहुमूल्य सुनको डलाका रूपमा लिइएको बताउँदै यस गालालाई परिष्कृत गरी उत्कृष्ट गरगहना बनाउन दक्ष कारीगरको आवश्यकतामा जोड दिनुभयो । कर्णाली पर्व सोमबार समापन भएको छ ।
चार वर्ष झैं यस वर्ष पनि आ–आफ्नो समूहमा छलफल भएको महोत्सवका संयोजक कमल लम्सालले जानकारी दिए ।
उनले लोकतान्त्रिक वार्ताबाट लोकतन्त्र सुदृढ हुनेमा जोड दिए । लम्सालले कारबाही गर्न शक्तिहीन महसुस गर्ने समाजमा सञ्चारको महत्वलाई प्रकाश पारे। महोत्सवको पहिलो दिन समाज, साहित्य र विकासलाई केन्द्रमा राखेर विपद् र पुनर्निर्माणका विषयमा सम्बोधन गरिएको थियो ।
तेस्रो दिन लोकतन्त्र र सुशासनका विषयमा छलफल भएको थियो । महोत्सवमा कर्णाली वरिपरि केन्द्रित गन्थन, मन्थन र चिन्तन सत्रहरू समावेश छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
