क्रिकेटर लामिछानेविरुद्धकाे मुद्दामा सुनुवाइ हुँदै

काठमाडौँ  ,१२ पुस | क्रिकेटर सन्दीप लामिछानेविरुद्ध परेको जबरजस्ती करणीको मुद्दा आज काठमाडौं जिल्ला अदालतमा सुनुवाइ हुँदैछ ।काठमाडौैं जिल्ला अदालतका न्यायाधीश हिमलाल बेल्बासेको इजलासमा मुद्दाको सुनुवाइ हुन भइरहेकाे प्रशासनले जनाएकाे छ ।

गत कात्तिक १४ गते एक किशोरीले  दिएको जाहेरीका आधारमा  सन्दीपविरुद्ध काठमाडौं जिल्ला अदालतमा जबरजस्ती करणीको मुद्दा दायर गरेको थियो ।

यसअघि कात्तिक १८ गते काठमाडौं जिल्ला अदालतका न्यायाधीश माधवप्रसाद घिमिरको इजलासले सन्दीपलाई पुर्पक्षका लागि थुनामा पठाउने आदेश दिएको थियो ।