डडेल्धुरामा रात्रिबस दुर्घटना हुँदा चार जनाको मृत्यु १२ जना घाइते

डडेल्धुरा, असोज ३० । मङ्गलबार राति कञ्चनपुरको महेन्द्रनगरबाट बैतडीको पुर्चौडी जाँदै गरेको रात्रिबस दुर्घटना हुँदा चार जनाको मृत्यु भएको छ भने १२ जना घाइते भएका छन् । ना ८ ख १०७८ नम्बरको बस महाकाली राजमार्गअन्तर्गत डडेल्धुराको अमरगढी नगरपालिका ७ कस्या नजिक रात्रिबस दुर्घटना भएको हो ।

दुर्घटनामा बैतडीको पुर्चौंडी नगरपालिका–३ का ४५ वर्षीया जयमति बोहरा, सोही ठाउँकी २० वर्षीया कमला बोहरा, निजका छोरा र सोही ठाउँका २२ वर्षीय सहदेव बोहराको मृत्यु भएको जिल्ला प्रहरी कार्यालय डडेल्धुराले जनाएको छ । गम्भीर घाइते भएका बस चालक बोहरालाई थप उपचारका लागि धनगढी पठाइएको छ ।