काठमाडौँ । राष्ट्रिय स्वतन्त्र पार्टी (रास्वपा) का सांसद जगदीश खरेलले आफ्नो नाम जोडेर गलत समाचार फैलाइएको भन्दै आपत्ति जनाएका छन् । बिहीबार सामाजिक सञ्जालमार्फत प्रतिक्रिया दिँदै उनले केही सञ्चारमाध्यम र सामाजिक सञ्जालमा आफूविरुद्ध ‘मिडिया ट्रायल’ र ‘फेक न्युज’ फैलाइएको दाबी गरेका छन् ।
स्मार्ट टेलिकम ठगी प्रकरणसँग आफ्नो नाम जोडिएपछि उनले यस्तो प्रतिक्रिया दिएका हुन् । खरेलले आफू अहिले कार्यक्रमको सिलसिलामा स्विजरल्याण्डमा रहेको पनि स्पष्ट पारेका छन् ।
उनका अनुसार उनले कुनै गल्ती नगरेको र त्यसैले डराउनु पर्ने कारण नभएको बताएका छन् । उनले सत्यलाई गलत रूपमा प्रस्तुत गरेर आफ्नो छवि बिगार्ने प्रयास भएको आरोप पनि लगाए ।
खरेलले आफ्नो इमानदारी नै आफ्नो शक्ति भएको भन्दै यस्ता भ्रामक समाचारले आफ्नो राजनीतिक भविष्यमा असर नपार्ने दाबी गरेका छन् । साथै, उनले आवश्यक परे कानुनी उपचार लिने चेतावनी पनि दिएका छन् ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
