काठमाडौँ । नेपाली कांग्रेसका नेता चन्द्र भण्डारीले पहिले राजनीतिक रूपमा नियुक्ति पाएका व्यक्तिहरूलाई स्वेच्छाले पद छोड्न सुझाव दिएका छन्।
उनका अनुसार अहिले देशमा बहुमतको सरकार बन्ने प्रक्रिया चलिरहेको छ र नयाँ नेतृत्वले काम गर्ने अवसर पाउनुपर्छ। यस्तो अवस्थामा पुराना नियुक्तिहरूले पदमै बसिरहनु उपयुक्त नहुने उनले बताएका छन्। भण्डारीले “हटाइयो” भन्ने स्थिति आउनु भन्दा अघि नै आफैं पद छोड्नु राम्रो हुने बताए। यसले नयाँ परम्परा बसाल्न सक्ने उनको भनाइ छ।
उनले स्वाभिमानको अर्थ केवल पद, सुविधा, गाडी वा सरकारी सेवासँग जोडिएको नभएको पनि उल्लेख गरेका छन्। उनका अनुसार साँचो स्वाभिमान भनेको जिम्मेवारी बुझ्ने र समयअनुसार निर्णय लिन सक्ने क्षमता हो। उनले विगतका नियुक्तिहरूले नयाँ सरकारलाई सहज रूपमा काम गर्न दिने वातावरण बनाउनु आवश्यक रहेको बताए।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
