आजको मौसम: यी प्रदेशमा हल्कादेखि मध्यम वर्षाको सम्भावना

काठमाडौं, वैशाख २१ – देशमा अहिले पश्चिमी वायु, स्थानीय वायु र बङ्गालको खाडीबाट आएको जलवाष्पयुक्त हावाको प्रभावका कारण काठमाडौंसहित केही पहाडी क्षेत्रमा हल्का वर्षा भएको छ।

मौसम पूर्वानुमान महाशाखाका अनुसार आज दिउँसो देशभर आंशिकदेखि सामान्य बदली रहनेछ। कोशी, लुम्बिनी प्रदेश र अन्य पहाडी क्षेत्रमा मेघगर्जन, चट्याङ र हुरीबताससहित हल्कादेखि मध्यम वर्षा हुने सम्भावना छ। केही हिमाली क्षेत्रमा हल्का वर्षा र हिमपात पनि हुन सक्छ।

आज राति पनि देशका पहाडी भू–भागमा आंशिकदेखि सामान्य बदली रहनेछ भने बाँकी भागमा आंशिक बदली हुनेछ। पहाडी र केही अन्य स्थानमा मेघगर्जनसहित हल्का वर्षाको सम्भावना छ। हिमाली भागका एक–दुई स्थानमा पनि हल्का वर्षा र हिमपातको सम्भावना रहेको महाशाखाले जनाएको छ।