न्यूनतम पारिश्रमिक भन्दा कम तलब दिएर काममा लगाउनु कानूनी रूपमा मान्य हुँदैन:प्रधानमन्त्री ओली

काठमाडौँ , फागन २० । प्रधानमन्त्री केपी शर्मा ओलीले नेपालमा राम्रो काम गर्न खोज्ने प्रयासलाई विरोध र झुटा आरोपहरूको लहरको सामना गर्नुपर्ने स्थिति भएको बताएका छन्। मंगलबार काठमाडौंमा आयोजित ट्रेड युनियन आन्दोलनको ७८औं स्थापना दिवसको अवसरमा सम्बोधन गर्दै उनले सरकारले गर्दा आफूहरूको ध्यान नाटक र समय बिताउने प्रवृत्तिमा रहेको र अर्को सरकारको प्रयासलाई असफल बनाउन मात्रै बसेको उल्लेख गरे।

प्रधानमन्त्री ओलीले भने, “नेपालमा अहिले यस्तो लहर चलिरहेको छ कि यदि कसैले राम्रो काम गर्न खोज्यो भने त्यसको विरोध गर्न र झुटा आरोप लगाउने चलन बढेको छ। कुनै पनि सरकारले सुधार गर्ने वा काम गर्न चाहने हो भने त्यसलाई सफल हुन नदिने, जबकि आफू सरकारमा हुँदा मात्र नाटक गर्ने र अरूको प्रयासलाई असफल पार्ने प्रवृत्ति देखिन्छ।”

त्यस्तै, उनले कतिपय गैरसरकारी अस्पतालहरूमा नर्सहरूको न्यूनतम पारिश्रमिक नदिइएको विषयमा आपत्ति जनाए। उनले भने, “मैले सुनेको छु कि केही नर्सहरूले न्यूनतम तलब पनि प्राप्त नगरेका छन्। यो अवैध हो, किनकि नर्सहरू पनि श्रमिक हुन् र उनीहरूको हक सुनिश्चित गर्नुपर्छ। न्यूनतम पारिश्रमिक भन्दा कम तलब दिएर काममा लगाउनु कानूनी रूपमा मान्य हुँदैन।”