लिबियामा सेफ अल-इस्लामको हत्या

काठमाडौँ । लिबियाका पूर्व शासक मुअम्मर गद्दाफीका छोरा सेफ अल–इस्लाम गद्दाफीको हत्या भएको भन्ने खबर बाहिरिएको छ। राजधानी त्रिपोलीबाट १३६ किलोमिटर दक्षिण(पश्चिममा रहेको जिन्तान शहरस्थित आफ्नै निवासमा हतियारधारी समूहले उनीमाथि गोली प्रहार गरेको थियो।

केही अन्तर्राष्ट्रिय र सामाजिक सञ्जाल स्रोतहरूले सेफ अल–इस्लाममाथि अज्ञात समूहले आक्रमण गरेको दाबी गरेका छन्। ती रिपोर्टअनुसार घटनास्थल र समयबारे स्पष्ट विवरण सार्वजनिक भइसकेको छैन। लिबियामा लामो समयदेखि राजनीतिक अस्थिरता र सशस्त्र समूहबीचको तनाव रहेकाले यस्ता दाबीहरू फैलिन थालेका हुन्।

सेफ अल–इस्लाम गद्दाफी सन् २०११ मा गद्दाफी शासन पतनपछि लामो समय सार्वजनिक रूपमा देखिएका थिएनन्। उनीविरुद्ध अन्तर्राष्ट्रिय फौजदारी अदालत ९आईसीसी० ले पनि मुद्दा दायर गरेको छ। पछिल्ला वर्षहरूमा उनी कहिलेकाहीँ राजनीति फर्किन सक्ने चर्चा हुँदै आएको थियो।

हाल घटनाबारे स्वतन्त्र स्रोतबाट पुष्टि हुन बाँकी छ। लिबियाली अधिकारीहरूले अनुसन्धान भइरहेको जनाएका छन् भन्ने अपुष्ट जानकारी बाहिरिए पनि औपचारिक वक्तव्य आएको छैन। त्यसैले पाठकलाई अपुष्ट खबरप्रति सावधानी अपनाउन र आधिकारिक जानकारीको प्रतीक्षा गर्न अनुरोध गरिएको छ।