आज दमकमा विद्यार्थीहरूसँग छलफल गर्दै ओली

काठमाडौँ । केपी शर्मा ओली आज झापाको दमकमा विद्यार्थीहरूसँग छलफल गर्ने भएका छन्। उनी नेकपा ९एमाले० का अध्यक्ष हुन्।

आज बिहान ११ बजे दमकस्थित होटल कोरोनेशनमा आयोजना हुने कार्यक्रममा यस क्षेत्रका विभिन्न कलेज र विद्यालयका विद्यार्थी सहभागी हुनेछन्। करिब ३ सयभन्दा बढी विद्यार्थी कार्यक्रममा उपस्थित हुने अनुमान गरिएको छ। निर्वाचनलाई लक्षित भेटघाटका क्रममा ओलीले आजको पहिलो कार्यक्रम विद्यार्थीहरूसँग संवादबाट सुरु गर्नेछन्। छलफलमा विद्यार्थीका जिज्ञासा, विचार र सुझाव सुन्ने तयारी रहेको बताइएको छ।

विद्यार्थीसँगको कार्यक्रम सकिएपछि अध्यक्ष ओली आजभरि नै झापाका विभिन्न स्थानमा मतदातासँग भेटघाटमा जुट्नेछन्। उनले दमकबाट कार्यक्रम सकेर गौरादह नगरपालिकातर्फ जानेछन्। दिउँसो साढे १ बजे गौरादह–४ को खाङ्टामा स्थानीयसँग भेटघाट गर्ने कार्यक्रम छ। त्यसपछि सोही वडाको मियाँ टोलीमा पुगेर स्थानीयका समस्या सुन्ने र सम्भावित समाधानबारे जवाफ दिने योजना रहेको जनाइएको छ।