सभामुख घिमिरेलाई भेटेर रवि लामिछानेले गरे सांसद पद निलम्बन फुकुवाको आग्रह

काठमाडौँ , १९ चैत । राष्ट्रिय स्वतन्त्र पार्टी ९रास्वपा०का सभापति रवि लामिछानेले सभामुख देवराज घिमिरेलाई भेटेर सांसद पद निलम्बन फुकुवाका लागि आग्रह गरेका छन् । आज बिहान १० बजे लामिछानेसहित रास्वपा सांसदहरू सभामुखलाई भेट्न सिंहदरबार स्थित कार्यालय पुगेका थिए । छलफलमा सभापति लामिछानेसहित उपसभापति डीपी अर्याल, प्रमुख सचेतक सन्तोष परियार, सचेतक निशा डाँगी, कार्यवाहक प्रवक्ता मनिष झा, सांसदहरू अशोक चौधरी, शिव नेपाली, हरि ढकाल, सोबिता गौतम र तोसिमा कार्की सहभागी छन् ।

सहकारी अनियमितता प्रकरणमा अनुसन्धान जारी रहेकोले पछिल्लो समय लामिछाने राजनीतिमा सक्रिय थिएनन् । तर सोमबारबाट उनी सक्रिय राजनीतिमा फर्किएका छन् । गत कात्तिक २ गते सभापति लामिछाने पक्राउ परेका थिए । पछि सहकारी ठगी, संगठित अपराध र सम्पत्ति शुद्धीकरण अभियोगमा मुद्दा दर्ता भएपछि गत पुस ८ गते उनको सांसद पद निलम्बन भएको थियो ।