प्रधानमन्त्री ओलीद्धारा महिला भलिबल खेलाडीलाई पुरस्कार वितरण

काठमाडौँ , १३ भदौ । प्रधानमन्त्री केपी शर्मा ओलीले ‘काभा वुमन्स भलिबल नेसन्स् लिग, २०२४’ प्रतियोगितामा सहभागी खेलाडीलाई आज पुरस्कार वितरण गरेका छन् ।  प्रधानमन्त्री निवास, बालुवाटारमा आज आयोजित कार्यक्रममा सो टोलीका क्याप्टेन अरुणा शाहीसहित १४ खेलाडीलाई जनही रु। तीन लाख, मुख्य प्रशिक्षक जगदीशप्रसाद भट्टलाई रु। दुई लाख, सहायक प्रशिक्षक भरत यादव, व्यवस्थापक निलमसिंह बज्राचार्यलाई र फिजियो लोकेन्द्र कुँवरलाई जनही रु। एक लाख २० हजार राशीसहित पुरस्कार प्रदान गरिएको हो । गत साउन १७ देखि २३ गतेसम्म काठमाडौँमा भएको उक्त खेलमा नेपालले उत्कृष्ट प्रदर्शनसहित दोस्रो स्थान हासिल गरेको थियो ।

मन्त्रिपरिषद्को गत साउन ३१ गतेको निर्णयबाट सहभागी खेलाडी र प्रशिक्षलगायतलाई गरी कुल ४७ लाख ६० हजार पुरस्कार रकम दिने निर्णय गरेको थियो । प्रधानमन्त्री ओलीले महिला भलिबल खेलाडीले हालसम्म पाएको सफलताप्रति खुसी व्यक्त गर्दै आगामी दिनमा नयाँ कीर्तिमान कायम गर्ने गरी मेहनत गर्न आग्रह समेत गरे । उनले भने , “हाम्रा खेलाडी छोरीहरुलाई थप सफलता र प्रगतिका लागि उत्साह मिलेको छ भन्ने मैले विश्वास लिएको छु ।”, प्रधानमन्त्री ओलीले भन्नुभयो, “यो पुरस्कारमा थप सफलताको शुभकामना जोडिएको छ । खेलाडीलाई निरन्तर अभ्यास र प्रेरणाको वातावरण तथा पूर्वाधारका लागि सरकारले सक्दो प्रयत्न गर्नेछ । तपाईँहरु जहाँ जाँदा पनि जित्छौँ भन्ने उच्च मनोबलका साथ अन्तिम समयसम्म लाग्नुस् ।”

यस अवसरमा, उनले नेपालले भलिबल खेलमा महिला खेलाडीहरूको भूमिका महत्वपूर्ण रहेको बताएका छन्। पुरस्कार वितरणका क्रममा, प्रधानमन्त्री ओलीले देशलाई खेलकुदको क्षेत्रमा उत्कृष्टता प्राप्त गर्न प्रोत्साहन गर्न खेलाडीहरूलाई प्रेरित गर्नुपर्नेमा जोड दिए । साथै, उनलेले महिला भलिबल खेलाडीहरूको मेहनत र समर्पणको कदर गर्दै, भविष्यमा पनि खेलकुदको क्षेत्रमा थप सुधार र अवसरहरूको सिर्जना गर्न प्रतिबद्धता जनाए। यस समारोहमा विभिन्न खेलाडीहरूलाई पुरस्कार, प्रमाणपत्र, र प्रोत्साहन प्रदान गरिएको थियो, जसले उनीहरूको खेलकुदमा योगदानलाई मान्यता दिएको छ। यस पुरस्कार वितरण समारोहले खेलकुदमा महिला खेलाडीहरूको प्रोत्साहन र सम्मानलाई थप बल पुर्याएको छ।