बढ्यो सुन-चाँदीको मूल्य

काठमाडौँ, साउन १७ । आज नेपाली बजारमा सुन -चाँदीको मूल्य बढेको छ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला एक लाख ४९ हजार ४ सयमा कारोबार भइरहेको छ । हिजो तुल्नामा आज छापावाला सुन प्रतितोला १६ सयले बढेको हो ।

हिजो (बुधबार) छापावाला  सुनको मूल्य तोलाको १ लाख ४७ हजार ८ सय रहेको थियो। त्यस्तै, बिहीबार तेजाबी सुन प्रतितोला १ लाख ४८ हजार ७ सयमा कारोबार भइरहेको छ।

त्यस्तै, आज चाँदीको मूल्य पनि बढेको छ । आज चाँदी प्रतितोला २० रुपियाँले बढेर प्रतितोला १८०० मा कारोबार भइरहेको महासंघले जनाएको छ।