यू–१९ विश्वकप:आज नेपाल र अफगानिस्तान खेल्दै

काठमाडौँ, माघ १२  ।  आईसीसी यू–१९ विश्वकप २०२४ मा आफ्नो समूह चरणको अन्तिम खेल आज नेपालले अफगानिस्तानसँग खेल्दैछ । यो खेल आज  दिउँसो १ बजेर ४५ मिनेटमा दक्षिण अफ्रिकाको इस्ट लन्डनस्थित बफेलो पार्क क्रिकेट मैदान सुरु हुनेछ । नेपाललाई आजको खेल चुनौतीपूर्ण बनेको छ   ।

समूह चरणको दुवै खेलमा पराजित भएको नेपाललाई आज जित्नै पर्नै दबाब रहेको छ ।   समूह ‘डी’ मा रहेको नेपाल पहिलो खेलमा न्युजिल्यान्डसँग ६४ रनले हारेको थियो भने दोस्रो खेलमा पाकिस्तानसँग पाँच विकेटले पराजित भयो।अफगानिस्तानले पहिलो खेलमा पाकिस्तानसँग १८१ रनको र दोस्रो खेलमा न्युजिल्यान्डसँग एक विकेटको हार व्यहोरेको थियो ।