चर्चित र्‍यापर हनी सिंहले गरे श्रीमती शालिनीसँग सम्बन्धविच्छेद

काठमाडौँ | हनी सिंहले श्रीमतिसँग सम्बन्धविच्छेद गरेका छन् । बिहे गरेको १२ वर्षपछि उनले श्रीमती शालिनी तलवारसँग सम्बन्धविच्छेद गरेका हुन् ।  हनी सिंहको नाम विशेष गरी उनकी पत्नी शालिनी तलवारको बारेमा धेरै लोकप्रिय छ। हालै मात्र हनी सिंहकी पत्नी शालिनीले उनीविरुद्ध घरेलु हिंसाको आरोप लगाएकी थिइन् । यस्तो अवस्थामा अब दिल्लीको एक अदालतले हनी सिंह र शालिनीको सम्बन्धविच्छेदको मुद्दालाई स्वीकृति दिएको छ ।

हनी सिंह र शालिनी तलवारबीच लामो समयदेखि मतभेद छ । विगत केही वर्षदेखि उनीहरुको सम्बन्धविच्छेदको चर्चा चलिरहेको छ । शालिनीले पति हनी सिंहमाथि घरेलु हिंसामा कुटपिट, शारीरिक र मानसिक यातना दिएको गम्भीर आरोप लगाएकी थिइन् ।

यस्तो अवस्थामा यस मुद्दाको सुनुवाइका क्रममा दिल्लीको एक अदालतले हनी सिंह र शालिनीको सहमतिका आधारमा सम्बन्धविच्छेदको निर्णयलाई स्वीकृत गरेको छ । तर, यो निर्णय अघि दुवै पक्षलाई अन्तिम पटक सँगै बस्नेबारे सोधिएको थियो, जसलाई हनी र उनकी श्रीमती शालिनीले अस्वीकार गरेका थिए । यसरी विवाहको १२ वर्षपछि यो यो हनी सिंह र शालिनी तलवारको सम्बन्ध सधैंका लागि टुट्यो ।

गत वर्ष सेप्टेम्बर महिनामा पनि शालिनी तलवारले अदालतमा हनी सिंहसँग १ करोड रुपैयाँको डिमान्ड ड्राफ्ट मागेकी थिइन् । हिन्दुस्तान टाइम्सको समाचार अनुसार, र्‍यापर यो यो हनी सिंहका वकिल इशान मुखर्जीले सुनुवाइको क्रममा दोस्रो प्रस्तावलाई स्वीकार गरी अदालतले सम्बन्धविच्छेदको आदेश दिएको बताएका छन् ।