रिगलविरुद्धको मुद्दा न्यायाधीश खतिवडा,चुडाल र मल्लको इजलासमा

काठमाडौं, कात्तिक १४ । योगराज ढकाल (रिगल)विरुद्धको रिटमा आज सुनुवाइ हुँदैछ । रिगल विरुद्धको रिट न्यायाधीश  ईश्वरप्रसाद खतिवडा, डा. कुमार चुडाल र सपना प्रधान मल्लको इजलासमा सुनुवाइका लागि पेशी तोकिएको छ ।

संविधान दिवसको दिनमा सरकारको सिफारिसमा राष्ट्रपति रामचन्द्र पौडेलले रिगललाई आममाफी दिँदै रिहा गरेको थियो । नेपालगन्ज उपमहानगरपालिका–८ का २९ वर्षीय मानन्धरमाथि २०७२ असार २८ मा धम्बोजी चोकमा रिगलको निर्देशनमा दिनदहाडै खुँडा प्रहार गरि हत्या गरिएको थियो । हत्यापछि फरार रिगलले घटनाको दुई महीनापछि भदौमा अदालतमा आत्मसमर्पण गरेका थिए।

हत्या अभियोगमा रिगललाई २०७६ वैशाखमा अदालतले सर्वस्वसहित जन्मकैद सजाय सुनाएको थियो । उनलाई जिल्ला अदालत बाँकेका तत्कालीन न्यायाधीश विष्णु सुवेदीको इजलासले २०७६ साल वैशाखमा दोषी ठहर गर्दै सर्वस्वसहित जन्मकैदको सजाय सुनाएको थियो ।

पति चेतन मानन्धरको हत्यारा बाँकेका योगराज ढकाललाई सरकारले आममाफी दिएपछि उनी विरोधमा उत्रिएकी हुन्। श्रीमान् चेतन मानन्धरको हत्या गर्ने रिगललाई सरकारले संविधान दिवसको दिन कैद मिनाहा गरी जेलमुक्त गराएपछि उनलाई जेलमा नै राख्नुपर्ने माग राख्दै माइतीघर मण्डलामा अनशन बस्दै आएकी छिन् ।