फेवातालको ६५ मिटरभित्रका सबै संरचना ६ महिनाभित्र हटाउन सर्वोच्चको आदेश

काठमाडौँ  , १० असोज | पोखरा महानगरपालिकालाई सर्वोच्च अदालतले फेवातालको ६५ मिटरभित्रका सबै संरचना ६ महिनाभित्र हटाउन आदेश दिएको छ ।
पोखरा महानगरपालिकाले गरेको फेवातालको मापदण्ड संशोधनविरुद्ध परेको रिट निवेदनको पूणर्पाठमा सर्वोच्चले फेवातालको वरिपरि वर्षायामको उच्चतम पानीको किनाराबाट ६५ मिटरसम्मको क्षेत्रमा रहेका सबै संरचना ६ महिनाभित्र अनिवार्य हटाउनुपर्ने उल्लेख गरेको छ ।

६५ मिटरसम्मको क्षेत्रमा रहेका घर, भवन, व्यापार व्यवसाय, होटल रेष्टुरा, रिसोर्ट आदि तथा अन्य सबै खाले व्यक्तिगत, सरकारी वा सार्वजनिक भौतिक संरचना यो आदेश प्राप्त भएको मितिले ६ महिनाभित्र अनिवार्य रूपमा हटाई खाली गर्न आदेश दिएको छ ।