ताप्लेजुङमा जिप दुर्घटना , १३ जना घाइते

ताप्लेजुङ, असोज ९  । ताप्लेजुङको पाथीभरा याङ्वरक गाउँपालिका –३ मा बोलेरो जिप दुर्घटना भएको छ । उक्त दुर्घटनामा तेह्र जना यात्रु घाइते भएका छन् । पाथीभरा याङ्वरक तिरिङ्गेको भित्री सडकमा मे १ ज २१८६ नम्बरको जिप मङ्गलबार बिहान दुर्घटना हुँदा चालकसहित १३ जना यात्रु घाइते भएका हुन् ।

तीर्थयात्री बोकेको  जिप बिहान ४ः३० बजे उकालो भाग रहेको कच्ची सडकबाट जिप अचानक चिप्लिएर करिब ७० मिटर तल झरेर दुर्घटनाग्रस्त भएको हो । उक्त  जिप दुर्घटनाका घाइतेमध्ये ७० वर्षीया धनबहादुर डाँगीको अवस्था गम्भीर रहेकाले थप उपचारका लागि जिल्ला बाहिर  रेफर गरिएको छ ।

अरु सबै घाइतेको ताप्लेजुङ जल्ला अस्पतालमा सामान्य अवस्थामा उपचार भइरहेको  छ ।