पूर्व–पश्चिम राजमार्गमा बम विष्फोट

बाँके, ३१ भाद्र । पूर्व–पश्चिम राजमार्ग अन्तर्गत बाँकेको राप्ती सोनारी गाउँपालिका–८, नयाँगाउँ नजिकै बम विष्फोटले क्षति पुगेको छ ।  गए राति भएको बम विष्फोटबाट सडकमा भ्वाङ परेको हो ।शनिवार राती पूर्व–पश्चिम राजमार्गको ढकेरीदेखि करिव ३ किलोमिटर पूर्वमा विष्फोट भएको हो ।

घटनास्थलको अवस्था हेर्दा  माओवादी द्वन्द्वकालमा राखिएको बमको अवशेष पड्किएको बुझिएको छ ।

बम विष्फोटबाट सडकमा क्षती पुगे पनि मानवीय क्षती भने भएको छैन ।

सडक विभागले भ्वाङ पुरेसँगै अहिले राजमार्गमा सवारी साधन निर्वाध रुपमा चलिरहेका छन् ।