माछापुच्छ्रे मोडल यूनाइटेड नेशन कार्यक्रम सम्पन्न

काठमाडौँ, १३ असार।ललितपुर, कुसुन्ती स्थित माछापुच्छ्रे आई वि वल्ड स्कुलमा संयुक्त राष्ट्र संघको नमुना अभ्यास गराउने उद्देश्यका साथ माछापुच्छ्रे मोडल यूनाइटेड नेशन (एमएमयुन) कार्यक्रम आइतबार सम्पन्न भएको छ ।

तीन दिन सम्म आयोजना गरेको माछापुच्छ्रे मुन कार्यक्रममा सहभागी विद्यार्थीहरुले संयुक्त राष्ट्र संगठनको अवधारणा र अभ्यासको विषयमा ज्ञान हासिल गर्न सफल भएका छन ।

विभिन्न सत्रमा कार्यक्रम सञ्चालन गर्नका लागि चार वटा कमिटीहरु निर्माण भएको थियो।

बिहिबार, शुक्रबार र आइतबारको सत्रमा संयुक्त राष्ट्रसंघको शरणार्थी सम्बन्धी उच्च आयोग ले असहिष्णुता, भेदभाव, र धर्म वा विश्वासको आधारमा व्यक्ति विरुद्ध हिंसाको लागि उक्साउने संयोजन, संयुक्त राष्ट्रको खाद्य र कृषि संगठनले कृषिमा जलवायु परिवर्तनको लागि लचिलोपनलाई बलियो बनाउने, संयुक्त राष्ट्रसंघीय महिला नियोगले इरानमा हिजाब विद्रोहको सन्दर्भमा महिला अधिकारको स्थिति र संयुक्त राष्ट्र सुरक्षा परिषद ले मध्य पूर्वको अवस्था: प्यालेस्टाइन प्रश्न सम्बन्धि एजेन्डामा रहि विधार्थीहरुले आफ्नो परिषद् मार्फत बृस्तृत छलफल गरी तार्किक भनाइहरु प्रस्तुत गरेको माछापुच्छ्रे मुनका सल्लाहकार तथा विद्यालयका प्रिन्सिपल सम्पूर्ण देवापाटेले जानकारी दिए ।

तिन दिन भएको छलफल सत्रको निष्कर्षको रुपमा हरेक कमिटीहरुले आफ्नो संकल्प पत्र तयार पारेका थिए ।

विद्यालयका प्रिन्सिपल देवापाटेले मुनकार्यक्रमले विद्यार्थीहरुको नेतृत्व विकास, कुटनीतिक सीपको विकास, वाक कलाको सीपको विकासलगायतको सीप विकास हुने बताउनु भयो। विद्यालयमा सम्पन्न समापन कार्यक्रममा विभिन्न समितिका उत्कृष्ट प्रतिनिधि विद्यार्थीहरुलाई खादा र मेडल ले सम्मान गरिएको थियो ।