एसईई परीक्षालाई व्यवस्थित र मर्यादित बनाउन प्रधानमन्त्रीको अपिल

काठमाडौं । प्रधानमन्त्री पुष्पकमल दाहाल ‘प्रचण्ड’ले माध्यमिक शिक्षा परीक्षा (एसईई) परीक्षालाई व्यवस्थित र मर्यादित बनाउन अपिल गरेका छन् ।

एक सन्देश जारी गर्दै प्रधानमन्त्री प्रचण्डले आजबाट सुरु हुने एसईई परीक्षामा सहभागी विद्यार्थीको उज्ज्वल भविष्यको कामना गर्दै परीक्षा व्यवस्थित, मर्यादित, शान्त र भयरहित बनाउन आ–आफ्नो ठाउँमा भूमिका खेल्न परीक्षासँग सम्बन्धित सबैमा अपिल गरेका हुन् ।

‘आजदेखि सुुरू हुने माध्यमिक शिक्षा परीक्षामा सहभागी हुनुहुने सम्पूर्ण विद्यार्थी भाइबहिनीहरूको उज्जवल भविष्यको कामना गर्दछु । एसईईलाई व्यवस्थित, मर्यादित, शान्त र भयरहित बनाउन आ(आफ्नो ठाउँमा भूमिका खेल्न परीक्षासँग सम्बन्धित सबैमा हार्दिक अपील गर्दछु,’ उनले भनेका छन् ।

आज बिहान ८ बजेबाट सुरु हुने एसईईमा नियमित र ग्रेड वृद्धि गरी चार लाख ८५ हजार ३९६ विद्यार्थी सहभागी हुँदै छन् ।