पाँच डिआईजी एआईजीमा बढुवा सिफारिस

काठमाडौँ, २६ फागुन । नेपाल प्रहरीको रिक्त पाँच एआईजीमा बढुवा सिफारिस भएको छ।

गृहमन्त्रालय अन्तर्गतको बढुवा समितिको शुक्रबारको बैठकले डीआईजीहरू वसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यलाई एआईजीमा बढुवा गर्न सिफासिर गरेको हो।

बढुवा समितिको सिफारिसविरुद्ध उजुरी नपरे एक सातापछि सरकारले उनीहरूलाई एआईजीमा बढुवा गर्नेछ। एआईजीमा बढुवा हुने यीमध्येबाट एकजनाले आगामी चैत १० गतेदेखि नेपाल प्रहरीको नेतृत्वमा पुग्नेछन् ।