नयाँ राष्ट्रपतिको निर्वाचनको लागि भारतका बुद्धिजीवी एसडी मुनिले दिए चार जनाको नाम सुझाव

काठमाडौँ, ८ फागुन । नेपालमा नयाँ राष्ट्रपतिको निर्वाचनको लागि मिति तोकिएर रस्साकस्सी तिब्र भएको बेला भारतका बुद्धिजीवी एसडी मुनिले चार जनाको नाम सुझाव स्वरुप दिएका छन् ।

सोमबार सामाजिक सञ्जाल मार्फत मनिले इमान्दारिता र राजनीतिक संवेदनशीलता भएका निष्पक्ष व्यक्तिहरू भन्दै ४ जनाको नाम दिएका हुन् ।

राष्ट्रपतिको लागी दवेन्द्रराज पाण्डे, प्रा बराल, दमन ढुंगाना, अनुराधा कोइराला योग्य भएको मुनिको तर्क छ ।

उनले सामाजिक सञ्जालमा भनेका छन्:

नेपालमा सहमतिको नयाँ राष्ट्रपतिको माग जायज छ । दवेन्द्रराज पाण्डे, प्रा बराल, दमन ढुंगाना, अनुराधा कोइराला जस्ता निर्दोष इमान्दारिता र राजनीतिक संवेदनशीलता भएका निष्पक्ष व्यक्तिहरू राजनीतिक वर्गले मान्न योग्य छन्।