विधानसभा निर्वाचनका कारण बैतडी र दार्चुला नाका आज देखि फागुन २ गतेसम्म बन्द

भारतले उत्तराखण्ड राज्यमा हुने विधानसभा निर्वाचनका लागि नेपालसित जोडिएका सीमा नाका चार दिन बन्द गर्ने भएको छ । बैतडी र दार्चुलासित जोडिएका नाका भारतले आज देखि फागुन २ गतेसम्म बन्द गर्न लागेको छ।
बैतडीको झुलाघाट तथा दार्चुलाको लाली, जोलजीवी, दत्तु, खलंगा, तिगरम र सीतापुल नाका साँझ ५ बजेदेखि बन्द हुने जिल्ला प्रशासन कार्यालयका सूचना अधिकारी खगेन्द्र भारतीले जानकारी दिए । दुवै देशको सहमतिमा नाका बन्द गर्न लागिएको हो ।