दुर्घटनामा परि कीर्तिपुर ४ का वडाध्यक्षको मृत्यु

काठमाडौँ, १० बैशाख। कीर्तिपुर नगरपालिका वडा नम्बर ४ का वडाध्यक्ष श्यामकुमार अधिकारीको मृत्यु भएको छ । सवारी दुर्घटनामा गम्भीर घाइते भएका अधिकारीको काठमाडौँको माइतीघरस्थित अन्नपूर्ण न्युरो अस्पतालमा उपचारको क्रममा मृत्यु भएको हो ।

अधिकारी यही वैशाख १ गते वडा नं–४ स्थित चम्पादेवी मेलामा सरिक हुन जाँदै गर्दा बा८३प ९४४८ नम्बरको मोटरसाइकल दुर्घटनामा परी घाइते भएका थिए । उनी चढेको मोटरसाइकल पुष्पलाल उद्यान नजिक दुर्घटनामा भएको थियो ।

उपमेयर शुभलक्ष्मी शाक्यका अनुसार अध्यक्ष अधिकारीको शवको पोष्टमार्टम गर्न टिचिङ अस्पताल लगिएको छ । उनी गत वर्ष वैशाख ३० गते सम्पन्न स्थानीय तहको निर्वाचनमा स्वतन्त्र उम्मेदवारबाट निर्वाचित भएका थिए ।