दुई घण्टा पछि सर्‍यो बजेट भाषण

काठमाडौं, १५ जेठ ।आज दिउँसो एक बजेलाई तय भएको बजेट भाषण सरेको छ। बजेट पारित गर्न बिहान ११ बजे बोलाइएको बैठक दुई घण्टा पछि सरेको हो । मन्त्रिपरिषद्को बैठक बसेर बजेट पारित गर्नुपर्ने भएकाले सरकारको अनुरोधमा संयुक्त बैठक दुई घन्टा पछि सारिएको संसद् सचिवालयले जानकारी दिएको छ।

बजेट भाषण दुई घण्टा पछि सरेको छ । बजेट भाषण अब ३ बजे हुने छ । बजेट पारित गर्न मन्त्रिपरिषद्को बैठक भने दिउँसो २ बजे बोलाइएको छ। अर्थमन्त्री वर्षमान पुनले आज आगामी आर्थिक वर्ष २०८१÷८२ को बजेट सार्वजनिक गर्ने छन् ।

प्रतिनिधि सभा बैठकमा अर्थमन्त्री पुनले राजश्व र व्ययको वार्षिक अनुमानको प्रति टेबुल गर्नेगरी संघीय संसद सचिवालयले सम्भावित कार्यसूची सार्वजनिक गरेको छ ।