सत्तापक्षले संसदमा विचाराधीन विधेयक छिटो पारित गर्ने निर्णय

काठमाडौँ , ४ फागुन । सत्तापक्षका प्रमुख सचेतकहरुको बैठकले संसदमा विचाराधीन विधेयकलाई छिटो पारित गर्ने निर्णय गरेको छ। बैठकमा कांग्रेसका प्रमुख सचेतक श्याम घिमिरे, एमालेका महेश बर्तौलासहित जसपा नेपाल, जसपा, लोसपा, जनमत पार्टीका प्रमुख सचेतक सहभागी छन् । आइतबार सिंहदरबारस्थित नेकपा ९एमाले० संसदीय दलको कार्यालयमा भएको बैठकले विद्यालय शिक्षा विधेयक र निजामति कर्मचारी विधेयकलाई चालु अधिवेशनबाट पारित गर्ने प्राथमिकतामा राख्ने निर्णय गरेको हो।

सत्तापक्षका प्रमुख सचेतक महेश बर्तौलाले विधेयकलाई अगाडि बढाउने र संसदमा पेश भएका अध्यादेशको बारेमा छलफल भएको जानकारी दिए। नेपाली काँग्रेसका प्रमुख सचेतक श्याम घिमिरेले विधेयक पारित गर्ने प्रक्रिया सुस्त भएको भन्दै तीव्रता दिने निर्णय भएको बताए। बैठकमा विधेयकहरु छिटो पारित गरी कानुनी रूप दिने र आगामी बैठकमा कार्यसूचीमा राख्ने विषयमा पनि छलफल भएको छ।