राप्रपाको केन्द्रीय समिति बैठक आज पनि जारी

काठमाडौँ, माघ १३ । राष्ट्रिय प्रजातन्त्र पार्टी (राप्रपा)को केन्द्रीय समिति बैठक आज पनि जारी रहने भएको छ। शुक्रबारदेखि शुरु भएको बैठक शनिबारसम्म समापन हुन नसकेपछि आज पनि निरन्तरता दिइएको हो।

शनिबारको बैठकमा ८० जना भन्दा बढी केन्द्रीय सदस्यहरूले विचार प्रस्तुत गरेका थिए। बाँकी सदस्यहरूलाई पनि बोल्ने अवसर दिन बैठक आज पनि बस्न लागेको हो, र यो बैठक आजै समापन हुने जनाइएको छ।

बैठकमा हालका राजनीतिक गतिविधिहरू, पार्टीको आन्तरिक र साङ्गठनिक स्थिति, जिल्ला अधिवेशन लगायतका विभिन्न विषयहरूमा छलफल भइरहेको जानकारी प्राप्त भएको छ।