उपसभामुख इन्दिरा रानालाई पदबाट हटाउने तयारी

काठमाडौँ, भदौ २५ । ‘पदअनुकूल आचरण नगरेको’ भन्दै सत्तारुढ दलहरूले उपसभामुख इन्दिरा राना मगरलाई पदबाट हटाउने तयारी गरेका छन् । सोमबार अपराह्न बालुवाटारमा बसेको सत्ता गठबन्धन दलहरूको शीर्ष नेता उपस्थित बैठकमा प्रधानमन्त्री केपी शर्मा ओलीले उपसभामुख रानाविरूद्ध प्रस्ताव पेस गर्ने निर्णय गरेका हुन्।

उपसभामुख इन्दिरा रानामगरले सन् २०२३ फ्रेब्रुअरी २६ मा अमेरिकाको न्यूयोर्कमा आयोजना भएको ‘एनजीओ सीएसडब्लू ६७’ कार्यक्रममा असम्बन्धित व्यक्तिलाई सहभागी गराउन अमेरिकी दूतावासलाई पत्र लेखिन् । सत्तापक्षका सांसदले प्रतिनिधिसभाको कमाण्डरले भिसा कन्सलटेन्सीको काम गर्न नमिल्ने भन्दै आलोचना गरेका थिए ।

रास्वपाबाट उपसभामुख चुनिएकी रानाको बचाउमा रास्वपा उत्रिएको थियो । संविधानको धारा ९१ उपधारा ९६० को ९ग० मा पदअनुकूल आचरण नगरेको भन्ने प्रस्ताव प्रतिनिधिसभाको तत्काल कायम रहेको सम्पूर्ण सदस्य संख्याको दुई तिहाइ बहुमतबाट पारित भएमा सभामुख वा उपसभामुख पदमुक्त हुने व्यवस्था छ । संवैधानिक परिषदको निर्णय ‘कम्फर्टेबल’ हुनुपर्ने भन्दै प्रधानमन्त्री ओलीले गरेको उक्त प्रस्तावमा सत्ता गठबन्धनमा रहेका सबै दल सहमत छन्।