नाउपाकी अध्यक्ष श्रेष्ठले गरिन् सांसद घनश्याम चौधरीलाई तीन महिनाका लागि निलम्बन

काठमाडौँ, चैत ३० । नागरिक उन्मुक्ति पार्टीकी अध्यक्ष रञ्जिता श्रेष्ठ चौधरीले सुदूरपश्चिम प्रदेशसभाका सांसद घनश्याम चौधरीलाई तीन महिनाका लागि निलम्बन गरेकी छिन् ।

उनले सांसद घनश्याम चौधरीलाई निलम्बन गरेको पत्र सभामुख भीमबहादुर भण्डारीलाई दिएकी हुन् । पार्टीले पटक पटक बैठकमा बोलाए पनि बैठकमा उपस्थित नभएको र पार्टी अध्यक्षलाई पठाएको स्पष्टीकरण चित्तबुझ्दो नभएकाले उनलाई निलम्बन गरेको पत्रमा उल्लेख गरिएको छ।

यसअघि अध्यक्ष श्रेष्ठले सांसद इन्दिरा गिरीलाई निलम्बन गरिसकेकी छिन् ।