पूर्वराजा ज्ञानेन्द्र शाहको स्वागतप्रति महेश बस्नेतको आलोचना , कोटिहोम लगाउन सुझाव

काठमाडौं, २५ फागुन। नेकपा (एमाले) का नेता महेश बस्नेतले राजावादीहरूले पूर्वराजा ज्ञानेन्द्र शाहलाई पोखरामा गर्ने स्वागतप्रति आलोचना गरेका छन्। सामाजिक सञ्जालमा उनले लेखे कि विलासिता र मोजमस्तीको जीवन बिताएर फर्केको व्यक्तिलाई भव्य स्वागत गर्ने प्रचलन नेपाली समाजमा छैन।

उनले भनें, “नेपालमा मोजमस्ती र विलासिताबाट फर्केकोलाई गौदान र सुनपानी छर्केर चुलो चौकोमा प्रवेश दिन्छन्।” उनले पूर्वराजालाई सम्मान दिनको सट्टा, बिरेन्द्रको वंशनाशको पाप पखाल्न र भड्किएको प्रेत आत्मा शान्त पार्न कोटिहोम गर्न सुझाव दिएका छन्।