काठमाडौं प्रशासनको आदेश: दुई महिना प्रदर्शन र धर्नामा प्रतिबन्ध

काठमाडौं। जिल्ला प्रशासन कार्यालय, काठमाडौंले राष्ट्रपति कार्यालय शीतल निवास, उपराष्ट्रपति कार्यालय लैनचौर, सिंहदरबार, प्रधानमन्त्री निवास बालुवाटार तथा संसद भवन नयाँ बानेश्वर क्षेत्रमा धर्ना, प्रदर्शन तथा अनशनमा प्रतिबन्ध लगाउने आदेश जारी गरेको छ।

प्रशासनको आदेश अनुसार, आजदेखि आगामी दुई महिनासम्म यी क्षेत्रहरूमा कुनै पनि प्रकारको धर्ना, प्रदर्शन वा पाँच जना भन्दा बढीको भेला तथा अनशन गर्न नपाइने व्यवस्था गरिएको छ। सार्वजनिक सुरक्षालाई ध्यानमा राख्दै प्रशासनले यस्तो निर्णय लिएको बताइएको छ।